პუბლიკაციები

საქართველოში კორონავირუსის პირველი შემთხვევა 27 თებერვალს დაფიქსირდა, ვირუსი დაუდგინდა საქართველოს მოქალაქეს, რომელმაც ირანში იმოგზაურა. მას შემდეგ, ინფიცირებულთა რაოდენობა 54-მდე გაიზარდა, 3,320 პირი კი კარანტინში იმყოფება (23/03/20). გამოჯანმრთელდა COVID-19-ით დაავადებული ხუთი პაციენტი, ექიმები მათზე დაკვირვებას კვლავ განაგრძობენ.

საქართველოს სტატისტიკის ეროვნული სამსახურის მიერ გამოქვეყნებული ანგარიშის თანახმად, მშპ-ს რეალური ზრდის ტემპი შეადგენს 5.1%, უმუშევრობის დონე - 11.6-%, ინფლაციის დონე კი - 6.4%-ია. სამწუხარო რეალობას წარმოადგენს ის, რომ მიმდინარე კრიზისის, ტურიზმისა და ვაჭრობის შეფერხებისა და ეროვნული ვალუტის გაუფასურების ფონზე, საშუალო და გრძელვადიან პერიოდში მოსალოდნელია აღნიშნული მაჩვენებლების მკვეთრი ცვლილება.